Ақсу қаласының әкімдігі

АҚСУ ҚАЛАСЫ ӘКІМДІГІНІҢ САЙТЫ

Біздің телефон 8 (71837) 50187
WHATSAPP+7 (747) 912-63-16
Загрузка...

Азаматтарға арналған үкімет жоғары сұранысқа ие анықтамалардың бестігін жариялады

 

«Азаматтарға арналған үкімет» мемлекеттік корпорациясының басқарма төрайымы Әсемгүл Балташева фейсбуктегі парақшасында Қазақстандағы ХҚО арқылы берілетін жоғары сұранысқа ие 5 анықтама түрін жариялады. Бұл бестікке мекенжай анықтамасы, жылжымайтын мүліктің болмауы (болуы) туралы, жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы, БЖЗҚ салымшысы қаражатының түсуі және қозғалысы туралы ақпарат және соттылықтың болуы немесе болмауы туралы сияқты анықтамалар енген.

Балташеваның айтуынша, «анықтамалар рейтингі» арнайы жүргізілген талдау нәтижесінде анықталған.

Талдау барысында биылғы жылдың 8 айында павлодарлықтар ХҚО-дан 197 мыңнан аса мекенжай анықтамасын, жылжымайтын мүліктің бар/жоқ екендігі туралы 33 мыңға жуық анықтаманы және жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы 41 мыңнан астам анықтаманы сұратқаны анықталған. Қазақстандықтар 8 айдың ішінде 4,5 млн астам мекенжай анықтамасын алған екен.

«Бұл электрондық үкімет порталыжәне телеграмм-ботарқылы өз бетінше алынған анықтамаларды есепке алмағандағы, қазақстандықтардың ХҚО-ға келіп алған анықтамаларының көрсеткіші», – деп нақтылады Әсемгүл Балташева.

Естеріңізге сала кетейік, бұған дейін Цифрлық даму, инновациялар және аэроғарыш өнеркәсібі министрі Асқар Жұмағалиев мекенжай туралы анықтаманы жою туралы бастама көтерді.

Нәтижесінде, 1 қарашадан бастап Қазақстанда мекенжай анықтамасын беру мемлекеттік қызмет ретінде қысқартылады, яғни енді азаматтар өзінің тіркелген орнын тек egov.kz электрондық үкімет порталындағы жеке кабинеттен тексере алады.

Сонымен қатар «Азаматтарға арналған үкімет» мемлекеттік корпорациясы ведомствоаралық комиссияның қарауына тағы 28 анықтаманы мемлекеттік қызмет тізілімінен алып тастауды ұсынды.

 топ5_каз

 

«Азаматтарға арналған үкімет»

мемлекеттік корпорациясы» КЕ АҚ

Павлодар облысы бойынша филиалының

баспасөз қызметі

 


2019-10-08 18:35:21

Сондай-ақ оқыңыз